Zazpi Astoren Gainean emanaldia 2011-04-06

Azoka Eguna Tolosan

Ez-ohiko oholtza aukeratu zuten bertsotarako Jon Martin eta Iñaki Apalategik. Tolosako Zerkausian saltzaile eta erosle artean ibili ziren bertso-kantuan.

Pasa den larunbatean Tolosako azokan aritu ziren bertsotan Jon Martin eta Iñaki Apalategi. Salmenta-postu batetik bestera ibili ziren trikiti-doinuek lagunduta, han zeuden baserritarrei eta erosleei goiza alaitzeko asmotan. Eguraldi-onak lagunduta, giro bikaina izan zuten Tolosako Zerkausian.