Legazpin egingo da 2011-04-08

Gipuzkoako bertso-eskolen eguna ospatuko da igande honetan

 Igande honetan ospatuko da Legazpin Gipuzkoako Bertso-Eskolen eguna. Aurtengoa 7. edizioa izango da. Bertso-eskolen arteko harremanak sendotu eta elkar ezagutzeko helburuarekin antolatzen da egun hau, eta egun osorako egitaraua prestatu dute. Hala, goizeko 10:30etan elkartuko dira gaztetxoak Legazpiko plazan. 11etan ongietorri aurreskua egingo dute Korosti eta Sustraiak dantza-taldeek. 11:15etan taldekako jolasak egingo dituzte eta 12:30etan kalejira Legazpiko Batukada, Doinua musika eskola eta Legazpiko bertso-olarien laguntzarekin. 13:30etan bazkalduko dute.

 Arratsaldean ere izango da zerekin gozatu. 14:30etan zezenak eta ponyak izango dira Legazpiko trikitilari gazteek alaituta. 16etan, berriz, ikuskizun bat egingo dute Legazpiko frontoian eta 18etan bukatuko da eguna.

 Informazio gehiago nahi izanez gero egin klik hemen.

• 
•