Bertsozale Elkarteak antolatuta 2008-10-21

Bertso eskolen topaketa Donibane Lohitzunen, azaroak 15-16an

Bertso Eskolen Topaketa Donibane Lohitzuen izango da aurten, azaroaren 15-16ko asteburuan. Hartara, bertara doazenek Iparraldeko finala ikusteko aukera izango dute. Goizean 10:00etarako da hitzordua Hendaiako tren geltokian eta goizean bertso poteoa egingo dute Ziburuko Tana ostatutik abiatuta. Bazkaria Donibaneko Jai-Alai frontoian da eta ondoren Iparraldeko finala. Lo lekua Ziburuko Larzabal kolegioan antolatu dute. Igandea eguerdi arte da topaketa. Parte hartzeko bertso-eskola bateko kide izan behar da eta 16 urtetik gora izan.

Prezioa, 25 euro. Ikasle eta langabetuek 15 euro. Izena emateko: transmisioa@bertsozale.com; 685 734 085 edo 943-69 41 29. Adierazi beharreko datuak: izen-abizenak, adina, bertso-eskolaren izena eta Elkarteko bazkide den ala ez. Bazkari eta finaleko sarrerak Transmisio batzordeak eskuratuko ditu

• 
•