"Galtzagorriei to, Iñaxito!" 2011-04-14

DVDa eta ipuina kalean daude

 "Galtzagorriei to, Iñaxito!" ikuskizunari buruzko ipuina eta DVDa kalean dira. Trikuharri taldeak eta Lanku bertso zerbitzuek argitaratu dituzte. Ikuskizun bezala jaio zen "Galtzagorriei to, Iñaxito!". Antzerkia eta bertsoa uztartuz haurrak euskal mitologiara hurbiltzea zen asmoa. Emanaldiz emanaldi ibili ondoren kaleratu dituzte DVDa eta ipuina. DVDan Trikuharri taldearen ibilbidea erakusteaz gain emanaldia ere ikusi ahal izango da. Horrez gain, bertsoak, jolasak eta protagonistei egindako elkarrizketak ere txertatu dituzte.

 Ipuinak antzerkian egiten dutena jaso du, Alai Zubimendiren ilustrazioekin. DVDa 15 eurotan salduko eta eta liburua, berriz, 10ean. Lanku-ren denda digitalean eta ohiko liburudendetan eskuratu ahal izango dira.

 8 urte dira Trikuharri taldeak bere ibilbidea hasi zuenetik. 2003an bildu ziren Ibai Esoain, Xabier Sukia eta Gorka Tolosa, bertsolaritza haurrengana hurbiltzeko asmoz. Hiru bertso-antzerki gauzatu dituzte denera. "Iñaxitoren ametsak izan zen lehena". Bigarrenarekin, "1, 2, 3... Iñaxito!" emanaldiarekin haurrak matematiken mundura hurbildu nahi izan zituzten. Eta azkenekoan, "Galtzagorriei to, Iñaxito!" delakoan, mitologiaren mundua bildu dute.

• 
•