Eskolarteko Txapelketak 2011-05-04

Gaur egingo dute idatzizko hirugarren kanporaketa Bizkaian

  Aste honetan hasi da Bizkaiko Eskolarteko Txapelketako idatzizkoen atala. Astelehenean Ondarroan egin zuten lehenengo kanporaketa, atzo Durangon, eta gaur Gernika-Lumon izango da hitzordua, Seber Altube ikastolan, eguerdiko 15etan. Gaurkoaren ondoren, beste 5 kanporaketa jokatuko dituzte:

 MAIATZAREN 5a, OSTEGUNA
 Trapagarango Itxaropena ikastolan, 14:30etan
 
 MAIATZAREN 6a, OSTIRALA
 Zornotzako Andra Mari ikastolan, 15etan

 MAIATZAREN 9a, ASTELEHENA
 Bilboko Abusu ikastolan, 15etan

 MAIATZAREN 10a, ASTEARTEA
 Mungiako Larramendi ikastolan, 15etan

 MAIATZAREN 11, ASTEAZKENA
 Getxoko Algortako San Nikolas ikastolan, 15etan

 Finala hilaren 13an izango da, Gernika-Lumoko Seber Altube ikastolan, arratsaldeko 15etan hasita.

 Bat-bateko kanporaketak beranduago hasiko dira, eta adinka banatuta ariko dira parte-hartzaileak. Hiru kanporaketa eta finala jokatuko dira guztira:

 MAIATZAREN 24a, ASTEARTEA
 Bermeoko Eleizalde ikastolan, 15etan
 14 urtera artekoen bat-bateko kanporaketa

 MAIATZAREN 25a, ASTEAZKENA
 Markina-Xemeingo Kultura aretoan, 15etan
 15-16 urtekoen bat-bateko kanporaketa
 
 MAIATZAREN 26a, OSTEGUNA
 Ondarroako Zubi zahar ikastolan, 15etan
 17-18 urtekoen bat-bateko kanporaketa

 Kanporaketa hauetatik sailkatzen diren bertsolariek ekainaren 3an jokatuko dute finala. Bilboko El Carmen aretoan izango da hitzordua, goizeko 11etan.

 Gipuzkoan ere aste honetan hasiko dira kanporaketak. Hemen egun berean egiten dira idatzizko eta bat-bateko saioak. Hala, 15etan idatzizkoa hasten da, 16etan 14 urtera artekoen bat-bateko kanporaketa eta ondoren hortik gorakoena. Honako hau da kanporaketen egutegia:

 MAIATZAREN 6a, OSTIRALA
 Oiartzungo Haurtzaro ikastolan

 MAIATZAREN 13a, OSTIRALA
 Zarauzko Oteiza lizeoan

 MAIATZAREN 20a, OSTIRALA
 Oñatiko Txantxiku ikastolan eta Santana aretoan
 
 MAIATZAREN 27a, OSTIRALA
 Lazkaoko San Benito ikastolan eta Areria zineman

 Finala ekainaren 3an izango da Gipuzkoan ere. Azpeitian izango da hitzordua, Izarraitz pilotalekuan, arratsaldeko 16etan.

• 
•