Urnietan, Andoainen eta Gasteizen besteak beste 2011-05-03

Saio bat baino gehiago izango da gaur

 Gaur bertso-saio bat baino gehiago izango da Euskal Herrian.

 Urnietan Santakruzak ospatzen hasi dira. Hori dela eta, saioa eta bazkaria egingo dituzte gaur eguerdian. Anjel Larrañaga eta Patxi Etxeberria jardungo dira kantuan.

 Handik gertu, Andoainen, bertso-show izeneko ekitaldia egingo dute kalean zehar, iluntzeko 20etan hasita.

 Azkenik, Gasteizen bertso-trama bat antolatu dute Ignacio Aldekoa kultura etxean. Iluntzeko 20etan hasiko da hau ere, eta ohi bezala Josu Goikoetxea ariko da tramagile eta gai-jartzaile lanetan. Kantuan, berriz, honako bertsolari hauek dira aritzekoak:

 Igor Elortza
 Maialen Lujanbio
 Jon Maia
 Unai ITurriaga

• 
•