Bertso-saio musikatua Bukowskyn 2011-05-05

Alkandora gorriz jantzitako bertsoak

Beñat Gaztelumendi, Jon Martin, Arkaitz Oiartzabal "Xamoa" eta Jokin Labayen aritu ziren kantuan hiru musikarik lagunduta. Hitzetik Hortzerako lan-taldea izan zen han.

Apirilaren 15ean egin zuten bertso-saio musikatua Donostiako Egia auzoko Bukowsky tabernan. Haritz Casabal aritu zen alkandora gorridun bertsolariei gaiak jartzen. Lagun asko elkartu zen tabernako giro-ilunean eta intimitate horretan bertso-politak abestu zituzten Beñat Gaztelumendik, Jon Martinek, Arkaitz Oiartzabal "Xamoa"k eta Jokin Labayenek.