Bizkaiko Bertso Eskolen eguna 2011-05-17

Larunbat honetan ospatuko da, Iurretan

 Larunbat honetan Bizkaiko bertso Eskolen eguna ospatuko dute Iurretan. Bertso-eskola ugaritako gaztetxoak elkartuko dira bertan, eta egun osorako egitaraua prestatu dute beraientzat:

 11:30etan elkartuko dira denak herriko plazan. Ondoren jolasak egingo dituzte. Eguerdiko 14etan herri-bazkaria izango da.

 Arratsaldeko egitarauan bertsoak presentzia handiagoa izango du. Hala, 16etan eskualde bakoitzak bere erakustaldia egingo du. 18etan, berriz, bertso-saioa izango da honako bertsolari hauekin:

 Unai Iturriaga
 Igor Elortza
 Jone Uria

 Zuriñe Iarrituk jarriko dizkie gaiak.

 Bukatzeko, bertso-kalejira egingo dute txarangaren laguntzarekin.

• 
•