Eskolarteko Txapelketak 2011-05-31

Ostiralean finalak izango dira Gipuzkoan, Bizkaian eta Nafarroan

 Bukatzen ari dira probintzietako Eskolarteko Txapelketak. Hilaren 18an Agurainen jokatuko da Euskal Herriko Eskolarteko Txapelketa, eta aste honetan erabakiko da bertan ze bertsolari ariko diren kantuan. Ipar Euskal Herrian eta Araban joan zen astean bukatu ziren txapelketak, eta aste honetan Gipuzkoa eta Bizkaiaren eta Nafarroako gaztetxoen txanda izango da.

 Gipuzkoan ostiralean egingo dute finala, Azpeitiko Soreasu kulturgunean, arratsaldeko 16etan. Gaztetxoen finala egingo dute lehenik, taldeka, eta gazteen txanda iritsiko da ondoren. Bat-bateko saioak bukatu ondoren idatzizko sariak banatuko dituzte.

 Bizkaiko finala ere ostiralean izango da, Bilbon, Indautxuko "El Carmen" aretoan. Goizeko 11etan hasiko da saioa eta gaztetxoek eta gazteek jokatuko dituzte finalak.

 Nafarroan Bertso Eskolen Eguna ospatuko da larunbatean Larraintzarren. Bertan gaztetxoen finala jokatuko da.

• 
•