Nafarroako Eskolarteko Bertsolari Txapelketa 2011-05-31

Josu Sanjurjok jantzi du txapela gazteen mailan

 Josu Sanjurjok jantzi du Nafarroako Eskolarteko Bertsolari Txapelketako txapela, 14 eta 18 urtekoen kategorian. Joan zen ostiralean egin zuten finala Iruñean, Txantreako Biltoki Elkartean. Honako 10 bertsolari hauek kantatu zuten finalean:

 Josu Sanjurjo (Lesaka)
 Haizea Beruete (Iruñea)
 Irati Majuelo (Iruñea)
 Mikel Telletxea (Lesaka)
 Amaia Elizagoien (Oronoz)
 Sukil Etxenike (Narbarte)
 Endika Legarra (Iruñea)
 Araitz Ruiz de Egino (Iruñea)
 Mikel Lasarte (Barañain)
 Sarai Robles (Barañain)
 
 Finalean, Nafarroako txapelaz gain Euskal Herriko Eskolarteko Txapelketan parte hartzeko txartelak ere bazeuden jokoan. Agurainen izango da finala, ekainaren 18an. Bertan, Josu Sanjurjorekin batera Irati Majuelo ariko da.

 Saioa Xabier Maiak aurkeztu zuen. Epaile lanetan, berriz, Nerea Bruño, Mikel Beaumont eta Ekintza Landa jardun ziren.  Josu Sanjurjori Manolo Arozenak jantzi zion txapela.

• 
•