Gasteizen, Legorretan eta Azpeitian 2011-06-01

Saio bat baino gehiago izango dira gaur

 Uda giroa nabarmena da inguruetan, eta uda heltzearekin batera, ugaritu egiten dira bertso-saioak ere. Gaur, esate baterako, saio bat baino gehiago dago iragarrita.

 Gasteizen, Iparralde Gizarte etxeko liburutegian, 19etan egingo dute saioa. Manex Agirre eta Amets Arzallus ariko dira kantuan eta Asier Otamendik jarriko dizkie gaiak.

 Legorretan, Azintzio jaiak direla eta, bertso-desafioa egingo dute gaur, iluntzeko 19:45etan, Pikondo tabernaren aurrean. Odei Lopez eta Unai Gaztelumendi ariko dira gai-jartzaile lanetan. Bertsotan, berriz, honako hauek:

 Ander Lizarralde
 Ainhoa Mujika
 Adur Gorostidi
 Nekane Zinkunegi
 Beñat Iguaran
 Asier Azpiroz "Azpi"

 Azkenik, Azpeitian, Sanjuandegiko festa dela eta, bertso saioa egingo dute Baigera IIn, iluntzeko 20:30etan. Bertso-afaria izango da eta Beñat Lizaso eta Iker Zubeldiak kantatuko dute.

• 
•