Bazkaria, jolasak eta ginkanaz gain, 14 urte artekoen Eskolarteko Txapelketako finala ere jokatuko da bertan. 12 bertsolari ariko dira bertan kantuan.
Larunbat honetan Nafarroako Bertso Eskolen Eguna ospatuko da Larraintzarren. Nafarroako bertso-eskoletako haur eta gazteek elkar ezagutzeko aukera izango dute bertan. Goizeko 11etan hasiko da festa, ongi etorriarekin. Ondoren, 11:30etan, 14 urte artekoen Eskolarteko Txapelketako finala jokatuko da. Guztira 12 bertsolari ariko dira kantuan:
Beatriz Maritorena (Doneztebe)
Maddalen Lopez (Lesaka)
Enaitz Telletxea (Igantzi)
Maiana Sein (Igantzi)
Joanes Ilarregi (Leitza)
Beñat Altzelai (Leitza)
Saioa Mateorena (Leitza)
Xabat Ilarregi (Leitza)
Oier Altzelai (Leitza)
Unai Muro (Berriozar)
Manex Mailharin (Berriozar)
Amaiur Gindeo (Iruñea)
Nerea Bruño eta Xabier Terrerosek epaituko dituzte bertsolarien lanak. Iker Gorosterrazu ariko da aurkezle lanetan.
Finalaren ostean, 13:30etan, bazkaria egingo dute. Bukatzeko, 15etan, jolasak eta ginkana izango dira, bertaratu direnen gozagarri.