Bizkaiko Eskolarteko Bertsolari Txapelketa 2011-06-07

Txaber Altube eta Nerea Ibarzabalek jantzi dituzte txapelak

 Joan zen ostiralean jokatu ziren Bizkaiko Eskolarteko Bertsolari Txapelketako finalak Bilbon, Indautxuko "El Carmen" aretoan. 14 urte artekoen kategorian honako bertsolari hauek aritu ziren kantuan:

 Kattalin Arriola (Mungia)
 Txaber Altube (Abadiño)
 Leire Amenabar (Larrabetzu)
 Jon Larrabide (Derio)
 Arrate Gaztelu (Larrabetzu)
 Iker Garitagoitia (Arrigorriaga)

 Txaber Altubek jantzi zuen txapela eta Arrate Gaztelu gelditu zen bigarren postuan.

 14 urte artekoen saioaren ostean 15 eta 18 urte bitartekoena iritsi zen. Honako bertsolari hauek kantatu zuten bertan:

 Nuria Cortada (Muskiz)
 Malen Amenabar (Larrabetzu)
 Nerea Ibarzabal (Markina)
 Imanol Uria (Algorta)
 Ane Alegria (Zornotza)
 Aitor Bizkarra (Abadiño)
 Txaber Ormazabal (Arrigorriaga)
 Olatz Ipiña (Ugao)
 
 Azkenean Nerea Ibarzabalek jantzi zuen txapela eta Imanol Uriak lortu zuen bigarren postua.

 Onintza Enbeita aritu zen aurkezle lanetan. Epaile, berriz, Arkaitz Estiballes, Matxalen Zabaljauregi eta Gorka Intxaurbe aritu ziren, Beñat Gaztelurrutia idazkariaren laguntzaz.

 Bi kategorietako lehenengo eta bigarren sailkatuak izango dira Bizkaiaren ordezkari hilaren 18an Agurainen jokatuko den Euskal Herriko Eskolarteko Bertsolari Txapelketan.

 Gorka Intxaurbek kronika zabala egin du Bizkaie-rako.

• 
•