Nere Erkiaga izango da platoan 2011-06-10

Azkaine eta Donostiako saioak eta Hudaltzainak taldearen "agurra" emango ditu Hitzetik Hortzerak

 Aste honetan ere Hitzetik Hortzera programa izango da ikusgai ETB1en. Gaueko 22etan hasiko da programa. Aste honetan saio bat baino gehiago emango dituzte. Alde batetik, Azkainen Gure Irratia-ren alde egindako saio bat emangi dute. Xumai Murua aritu zen gai-jartzaile lanetan, eta honako bertsolari hauek kantatu zuten:

 Maialen Lujanbio
 Arkaitz Estiballes
 Odei Barroso
 Xabier Silveira
 Unai Iturriaga
 Sustrai Colina

 Gainerako bi bertso-saioak "jasotako bideoak" atalean emango dituzte. Batetik, Donostian Deustuko Unibertsitatearen campusean egindako saioko irudiak eskainiko dituzte. Sustrai Colina, Maialen Lujanbio, Amets Arzallus eta Beñat Gaztelumendik kantatu zuten bertan.

 Azkenik, Hudaltzainak taldeak Literaturiaren barruan egindako emanaldia eskainiko dute. Taldearen "agurreko kontzertua" izan zen Larrabetzukoa.

 Aste honetako gonbidatua Nere Erkiaga izango da. Xenpelar Dokumentazio Zentroan egindako lanaz eta, zehazkiago, Bertsolaritzaren Datu Baseaz ariko da hizketan.

 Joan zen asteko aurrerapenean aipatu bezala, aste honetan osorik eskainiko dute Johny Kurutxet Kaliforniako bertsolariari San Franciscon egindako elkarrizketa.

 Programak ohiko atalak ere izango ditu aste honetan. Hala, ohi bezala, Itziar Irizarrekin Gipuzkoako Bertsolari Txapelketaren errepasoa egingo dute.

 Zuri-beltzekoan, berriz, Basarrik jarritako "Itsasertzak" sortako bertsoak eskainiko dituzte.

• 
•