Bota Eguna 2011-06-16

40 bat lagunek hartu zuten parte

 Joan zen larunbatean bigarrenez ospatu zen Nafarroan Bota eguna. Nafarroako helduen bertso-eskoletako kideak Lekunberrin eta Astitzen elkartu ziren. Lekunberriko bertso-eskola arduratu zen antolaketaz, eta 40 bat lagun hurbildu ziren festarekin gozatzeko. Bortzirietatik, Lekunberritik, Oronoztik, Sakanatik, Leitzatik eta Iruñerritik iritsi zen jendea.

 Egun osorako plana prestatu zuten antolatzaileek. Goizez mendi txangoa egin ostean, eguerdi partean bertso poteoa egin zuten Lekunberrin. Ondoren, bazkaria egin zuten Astizko aterpetxean. Horren ostean iritsi zen bertso-eskoletako kideek beren dohainak erakusteko garaia. "Performance"-a eta bertso eta musika emanaldiak egin zituzten.

 Datorren urtean Baztango bertso-eskolak antolatuko du Bota Eguna.

• 
•