Bertso Udalekuak 2011-07-01

Igande honetan hasiko dira Bidarrain

 Urtero bezala, aurten ere uztailarekin batera iritsi dira Bertso Udalekuak, Bertsozale Elkarteak antolatuta. Igande honetan hasiko da lehenengo txanda, Bidarrain, 12 eta 14 urte arteko 43 gaztetxorekin. Hilaren 9ra bitartean, mendi irteerak, rafting jeitsierak eta beste hainbat ekintzaz gain bertsolarien bisita eta Oskar Estangaren kantu tailerra izango dituzte.

 Aurtengo udalekuetan, denera, 205 haur eta gaztetxo elkartuko dira 5 txandatan. Izen emateko epea ireki eta berehala osatu ziren txanda guztiak.

 Bidarraikoa bukatu ondoren, Zerainen, Irañetan, Arrazolan eta Zuhatzan izango dira txandak. Horrez gain, Arabako Foru Aldundiak ere Bertso-Udalekuak antolatu ditu aurten Barrian. Gaur hasiko dira bertan eta hilaren 7ra arte egongo dira han.

• 
•