Transmisioa bertsolaritzan 2011-11-09

Bertsozale Elkarteak eta Ikastolen Elkarteak elkarlan akordioa egin dute

Bertsozale Elkarteak eta Ikastolen Elkarteak elkarlan akordioa sinatu berri dute, 2011-12 ikasturtean abian jarri dena. Akordioa aurrerapauso handia eta mugarria da, azken urtetan herrialde mailako akordioak egin ostean, oraingoan hitzarmen orokor bat adostu delako.
Hitzarmen horri esker bi erakundeek elkarlana abiatu dute, datozen urteotan garatuko dutena.

 Honako hauek akordio horren baitan landu eta garatuko diren ildo nagusiak:
- Euskal Curriculumaren baitan, bertsolaritzari dagokion tokia zehaztea. Hasi Haur Hezkuntzatik eta DBHraino, eskola ordutan bertsolaritzaren lanketak behar duen trataera zehaztuz.
- Bertsolaritza klaseak eskola ordutan. Haur Hezkuntzatik DBHrako ibilbide horretan, ikasturte batean edo bitan bertsolaritza klaseak eskainiko dira, bertsolaritza irakaslearen eskutik. Bertsozale Elkarteak eskaintzen du, “Gu ere bertsotan” izenez ezagutzen dena.
- Bertsolaritzari lotutako materialgintzan elkarlanean egitea.
- Ikastolatan zein herri mailan bertso-eskolak eta bat-bateko taldeak sustatzea.
- Eskolarteko Bertsolari Txapelketa elkarlanean antolatzea. Urtetako ibilbidea duen Eskolartekoa aberasteko eta gaurkotzeko, konpromiso hau ere jaso da hitzarmenean: bertso-eskolekin batera Eskolarteko Txapelketa aberasteko hausnarketa prozesu bat egitea.

• 
•