Unax Aizpurua Ibargarai - Euskal Herriko Eskolarteko txapelduna 2025-06-16

«Gaitzeko maila izan da eta denak biziki ongi aritu dira»

Jexux Mari Irazu

Unax Aizpurua Ibargarai Euskal Herriko Eskolarteko txapeldunak finalean bertsolariek erakutsitako maila azpimarratu du. «Gaitzeko maila» izan dena nabarmendu du. Bera pertsonalki, zortziko txikian eta hortik aurrera sentitu da erosoen. 

Bertso udaberri aparta ari da bizitzen Unax Aizpurua. Maiatzean Gaztetxean Bertsotan sariketa irabazi zuen Aroa Arrizubietarekin batean. Gazte Xilaban bigarren egin zuen txapeldunarekin puntuz berdinduta eta egun berean Andoni Egañarekin batean oholtzan bertsotan ariko aukera izan zuen, June Aiestaran eta hiruek egindako saioan. 

Familiarekin egiten duen etxeko bertso eskola gogora ekarri du sarako bertsolari gazteak. Entzun final ondoren Bertsoari eskainitako hitzak.