Bertsoaroa 2011-11-10

Bertso-jaialdia izango da gaur Iruñean

 Gaur bukatuko da aurtengo Bertsoaroa Iruñean. Gurutze Plazako Institutuko areto nagusian "Jo zak berriz!" saio musikatu berezia egingo dute gaur, iluntzeko 20etan hasita. Maialen Lujanbio, Amets Arzallus, Jon Maia eta Oskar Estanga ariko dira bertsotan, Carles Belda (trikitixa) eta Xabi Strubell (gitarra) musikarien aldamenean. Ainhoa Aranburu ariko da aurkezle lanetan.

 Honenbestez bukatuko da aurtengo Bertsoaroa. Urriaren 18an hasi zen aurtengo edizioa, eta bi bertso-saio, "Bertsolari" dokumentalaren inguruko hitzaldi bat, "Erregea eta Bufoia" saio berezia eta poesia errezitaldi bat izan ditu aurtengoan.

• 
•