Udarregi Sariketa 2011-11-22
Ane Labakak jantzi zuen txapela
Bi belaunalditako hiruna bertsolari aritu ziren finalean: Ane Labaka, Aitzol Barandiaran, Maialen Velarde, Olaso, Patxi Etxeberria eta Luis Otamendi. Imanol Arabaolaza "Txatxari"-k aurkeztu zuen saioa. Aurten lehenengoz antolatu du sariketa Usurbilgo "Bota Punttuba" bertso-eskolak.
Joan zen larunbatean jokatu zen Udarregi Sariketako finala Usurbilen, Agerialden. Aurtengoa izan da sariketaren lehenengo edizioa. Finalaren aurretik bi kanporaketa jokatu ziren, bi belaunalditako bertsolariak bereizita. Lehenengo kanporaketatik Olasok, Luis Otamendik eta Patxi Etxeberriak egin zuten aurrera. Bigarrenetik, berriz, Ane Labakak, Aitzol Barandiaranek eta Maialen Velardek. Finala afalostean egin zen, 90 bat entzuleren aurreran. Imanol Arabaolaza "Txatxari" aritu zen gaiak jartzen. Azkenean Ane Labakak jantzi zuen txapela, saio on baten ondoren. Entzuleen saria, berriz, Olasok eskuratu zuen.
Albiste gehiago
Xabi Paya Ruiz - 'Ganbarako lana' antzezlanaren egilea 2026-02-17
«Bertsolari baten sormen prozesua irudikatu nahi izan dut antzerkiaren begietatik»
Aitor Etxebarriazarra Gabiola - Bizkaiko Txapelduna 2025-12-23
«Finalean eman nezakeena emandako sentsazioarekin gelditu nintzen»
Nafarroako Bertsolari Txapelketa - Finala 2025-11-21
Aniztasunaren argazkia oholtzan
Jexux Mari Irazu
Aitor Bizkarra Ruiz - Bizkaiko Bertsolari txapelketa 2025-10-28
