Euskal Herriko Bertso-eskolen Topaketa 2011-11-23

Errimen festa Lesakan

Euskal Herriko Bertso-eskolen Topaketa egin zuten hilaren 12an Lesakan. Goizetik hasi eta bakoizak nahi izan zuen arte luzatu ziren eguna eta gaua, bertsoen errima eta erritmoen festan murgilduta. Han izan ziren Hitzetik Hortzerako lagunak, eta bideo hauek utzi dizkigute festaren lekuko.

Eguerdian jarri zuten hitzordua Lesakan. Bazkalaurretik bertso-poteoa egin ondoren, bazkaltzera joan ziren Linddurenborda sagardotegira, han elkartu ziren helduen bertso-eskoletan dabiltzan ehundik gora lagun.

Bazkaldu ondoren, bertso-eskoletan prestatutako hainbat bertso-emanaldi eskaini zituzten: Jon Martinen bertso-jarriak, Zarautzeko Motxian bertso-eskolakoen antzerkia....

Iluntzean herriko Zialdo tabernan antolatu zuten bertso-saioa. Iker Iriarte eta Egoitz Aizpuru aritu ziren gai-jartzaile lanetan, egunean bertan bururatutako gai inprobisatuekin; eta bertsotan Alaia Martin, Xabier Silveira, Iratxe Ibarra eta Julen Zelaieta, momentuan bururatutako bertso inprobisatuak abesten.

Inprobisazioaren jaia izan zen beraz eta inprobisatzen jarraitu zuten gauean ere. Ordu txikietako errimek eta erritmoak gain hartu zien arte.

Albiste gehiago

Larunbatean 21:00etan ETB1en 2026-05-15

Errimen festa Lesakan

Albiste gehiago

'1tz4l1 eta P1ztU', Zarauzko jaialdia eta Xabi Paya gonbidatu Hitzetik Hortzeran

«Gazteon gaiak bertsotara eraman eta hain bertsozalea ez den publikoarekin konektatzea bilatzen dugu»

«Bertsotarako gogotsu nago»

Aitor Sarriegiren bertso ibilbidea Hitzetik Hortzeran

Araba final berri eta ireki baten aurrean

«Bertsolari baten sormen prozesua irudikatu nahi izan dut antzerkiaren begietatik»