Xalto sariketa 2011-12-22

Aimar Karrikak jantzi du txapela

 Xalto sariketaren 13. edizioa jokatu zen larunbatean Goizuetan. Bi urtetik behin jokatzen den sariketa da honako hau, Nafarroako Bertsozale Elkarteak Goizuetako udalaren laguntzaz antolatua. Andres Narbarte "Xalto" bertsolariarengandik hartu du bere izena. Aurtengo honetan 15 bertsolari nafar aritu dira kantuan. Goizean bi kanporaketa jokatu ondoren honako bertsolari hauek sailkatu ziren arratsaldeko finalera:

 Aimar Karrika (Auritz)
 Ioar Tainta (Lesaka)
 Irati Majuelo (Iruñea)
 Iker Gorosterrazu (Ituren)
 Mikel Azpiroz (Leitza)
 Jose Luis Barberia "Zili" (Leitza)

 Azkenean Aimar Karrikak lortu zuen txapela. Alaitz Rekondo aritu zen aurkezle lanetan. Bertsolarien lanak epaitzen, berriz, Nerea Bruño, Ekintza Landa, Xabier Terreros eta Gaizka Sarasola jardun ziren.

• 
•