Gaur bertan bertso-jaialdia iragarri dute Galdakaon 2011-12-23

Saio bat baino gehiago izango da asteburu honetan

Asteburu berezia da honako hau. Gabon gaua larunbatez izango denez ez dago bertso-saio askorik iragarrita. Dena den, han eta hemen izango da non gozatua.

 Gaur bertan "Bertsolaria bere bakardadean" emanaldi berezia izango da ikusgai Donostiako Doka antzokian. Maialen Lujanbio ariko da bertsotan Josu Goikoetxearen esanetara. Orain dela hilabete batzuk Andoni Egañak egindako saioko bertsoaldi onenak ikusgai daude Bertsoa.com-en. Gaurko saioa iluntzeko 20etan hasiko da.

 Galdakaon, berriz, bertso-jaialdia egingo dute Torrezabal kultur etxean iluntzeko 20etan. Honako bertsolari hauek ariko dira bertan Iratxe Ibarraren esanetara:

 Julio Soto
 Beñat Ugartetxea
 Jone Uria
 Jon Maia
 Unai Iturriaga
 Andoni Egaña

 Erandion bertso-jira iragarri dute gaurko, La Plaza tabernatik hasita eta Algortako Bertsolari Eskolak antolatuta. Igor Elortza eta Onintza Enbeitak kantatuko dute iluntzeko 20etatik aurrera.

 Azkenik, Amurrioko frontoian, "Galtzagorriei to, Iñaxito!" haurrentzako emanaldi berezia izango da ikusgai gaur arratsaldeko 17etan hasita.

 Igandean bertso-saio bat izango da Larrabetzuko Hori Bai gaztetxean, iluntzeko 19etan hasita. Igor Elortza, Miren Amuriza, Maialen Lujanbio eta Beñat Gaztelumendik kantatuko dute bertan.

• 
•