Donostiako Kursaalean 2012-01-04
Urtarrilaren 28an ospatuko da Bertso Eguna
Aurten Euskal Herriko Bertsozale Elkarteak bere 25. urteurrena ospatuko duenez, horixe izango da Bertso Egunaren ardatza. Sarrerak hilaren 9an jarriko dira salgai interneten, bai ekitaldirako eta baita afaritarako ere. Bertsozale Elkarteko bazkideek astebetez lehentasuna izango dute sarrerak erosteko.
Urtero bezala, aurten ere Bertso Eguna ospatuko da urtarrileko azkeneko larunbatean, hilaren 28an, alegia. Aurtengo ekitaldia ere Donostiako Kursaalean izango da. Euskal Herriko Bertsozal Elkarteak 25 urte beteko ditu 2012an, eta urteurrena izango da ekitaldiko ardatza.Sarrerak internet bidez erosi ahal izango dira, www.bertsosarrerak.eu atarian. Bertsozale Elkarteko bazkideek hilaren 9tik aurrera eskuratu ahal izango dituzte. Bazkide ez direnek, berriz, astebete beranduago.
