Zerainen, Markina-Xemeinen eta Oñatin 2012-01-05
Bertso-saio bat baino gehiago izango da gaur
Zerainen Sebastian Lizaso eta Iker Zubeldia ariko dira; Markina-Xemeinen Nerea Ibarzabal, Elene Lejarzegi, Iñigo Izagirre eta Hodei Iruretagoiena eta Oñatin Julio Soto, Maialen Lujanbio, Amets Arzallus, Unai Iturriaga, Beñat Gaztelumendi eta Andoni Egaña.
Jai-egun bezpera da gaur Hego Euskal Herrian, bihar errege eguna ospatuko da eta. Hala, saio bat baino gehiago dago iragarrita.Zeraingo Ohiarte Sagardotegian bertso-afaria izango da gaur iluntzean. Sebastian Lizaso eta Iker Zubeldiak kantatuko dute bertan.
Markina-Xemeinen, berriz, bertso-triki poteoa egingo dute iluntzeko 19:30etan Toldope tabernan hasita. Nerea Ibarzabal, Elene Lejarzegi, Iñigo Izagirre eta Hodei Iruretagoiena ariko dira kantuan.
Azkenik, urteroko bertso-jaialdia izango da gaur Oñatin, Zubikoa pilotalekuan. Gaueko 22:30etan hasiko da saioa, eta honako bertsolari hauek kantatuko dute bertan:
Julio Soto
Maialen Lujanbio
Amets Arzallus
Unai Iturriaga
Beñat Gaztelumendi
Andoni Egaña
