Urtarrilaren 28an ospatuko da 2012-01-10

Bertso Egunerako sarrerak salgai daude

  Urtarrilaren 28an ospatuko da Bertso Eguna, Donostian. Goizean bertsolariak kalez kale ibiliko dira Donostiako Alde Zaharrean, 12etatik aurrera. Arratsaldean ekitaldi nagusia egingo da Kursaaleko Areto Nagusian. Aurten Euskal Herriko Bertsozale Elkarteak 25 urte bete ditu, eta urteurrena izango da ekitaldiko ardatza. Ondoren, iluntzeko 21etan, afaria eta festa izango dira Kursaaleko NiNeu Jatetxean.

 Sarrerak jada internet bidez eskuratu daiteke www.bertsosarrerak.eu helbidean. Ekitaldirako sarrerak denentzat daude eskuragarri. Afarirakoak, berriz, bazkideek bakarrik erosi ahal izango dituzte hilaren 15era arte. Hala, epe honetan bazkide bakoitzak bereaz gain bazkide ez den batentzat beste sarrera bat eta 16 urtetik beherakoentzat beste bat hartzeko aukera edukiko du. Hilaren 16tik 27ra bitartean edonork egin ahal izango ditu afaritarako erreserbak.

• 
•