Azpeitiko Erniarraitz Bertsozale Elkartearen blogean 2012-01-12

Txapelen omenezko bertso-jaialdiko aukeraketa ikusgai interneten

 Azpeitiko Erniarraitz Bertsozale Elkarteak antolatzen dituen bertso-saio gehienen aukeraketak sarean eskegi ohi ditu. Abenduaren 30ean, urtero bezala, Txapelen omenezko bertso-jaialdia egin zuten Azpeitiko Soreasu aretoan, eta hango aukeraketa bat ere jarri dute blogean, 20 minutukoa. Aretoan jendetza batu zen saioa jarraitzeko, eta honako bertsolari hauek aritu ziren kantuan:

 Andoni Egaña
 Beñat Gaztelumendi
 Uxue Alberdi
 Amets Arzallus
 Beñat Lizaso
 Jokin Uranga

 Aritz Etxeberria "Ministro"-k aurkeztu zuen saioa. Jaialdiaren kronika labur bat ere badator bideoarekin batera.

• 
•