Bertso-saioa Tolosan 2012-01-26

Txolarreak abestutako bertsoak

Maialen Lujanbio, Aitor Sarriegi, Andoni Egaña, Jon Maia, Jexux Mari Irazu eta Amets Arzallus aritu ziren kantuan, eta Amaia Agirre gai-jartzaile lanetan.

Laguntzaileak ere izan zituzten ordea. Saioaren hasieran Goierriko bertso-eskolako Lazkaoko taldeko Manex, Markel, Maialen, Aitzol, Sisa eta Naroa igo ziren sei bertsolariei bertso bana abestera. Zirikatzaile abestu zuten gaztetxoek eta oso saio polita egin zuten.

Saioaren bukaera aldera berriz, Banaiz Bagara proiektuan euskaraz ikasten ari diren etorkinek jarri zizkieten puntuak Maialen Lujanbio, Andoni Egaña eta Jon Maiari.

800 lagun inguru sartu ziren Leidor aretoan, baina kanpoan sartuezinik geratu zenik ere izan zen. Horientzat, eta nahi duenarentzat, hemen dituzue Txolarre irratiaren aldeko  bertso-saioko bertsoaldi onenak.