Bertso-saioa Bilbon 2012-02-10
Bideoa bertso bide
Jakina da ikusentzunezkoek geroz eta zeresan gehiago ematen dutela gure jendartean, eta bertsolaritza ez da salbuespen. Bideoen bidez gaiak jarrita saio berezia egin zuten hilaren 2an Bilboko Alhondigan. Hitzetik Hortzera han izan zen eta hemen dituzue hango bertsoaldi onenak.
Maialen Lujanbio, Igor Elortza eta Aitor Mendiluze aritu ziren bertsotan, eta aurkezle-lanak Unai Elizasuk egin zituen. Gaiak jartzeko modu berezia erabili zuten; bideo batzuk eman zieten bertsolariei abesteko gaia. Asier Altuna eta Haritz Arrizabalagak prestatu zituzten bideoak hitzordurako.
