Ostiral honetan 2012-03-14

Bertso zaharrak kantatzeko afaria Tolosan, Lizardi elkartean

Bertso zaharrak lagunartean kantatzeko afaria egingo dute ostiralean Tolosan, Lizardi elkartean, Lizardi eta Galtzaindik antolatuta. "Bertso ezagun eta ezezagunak abesteko aukera da hau. Zakutotik atera eta jendearen aho-belarrietan ipiniz, danak elkarrekin ondo pasatzea da helburu. Letra eta irudiak nahastuz, ahotsa eta musika jendearengana iritsiz, inor ez da ixilik geratuko."
Bertso zakutoan musikatutako bertsoak eta musikatu gabekoak biltzen dira, hau da, aspaldiko bertsolarien bertso musikatuak (Bilintx, Xenpelar, Txirrita, Pello Errota…) eta gaur egungo (Lizaso, Lujanbio, Egaña, Peñagarikano) bertsolarien zenbait bertso, bertsozaleen ahotan jartzeko.
Bertso egile horien biografia laburra lantzen da bertsoak kantatzen hasi aurretik. Bertso-doinua ere kantari hasi baino lehen entzun ahal izango da. Zenbaitetan, txalaparta doinuak adieraziko du kantatzen hasteko unea: Bertsoak eta kantak elkarrekin abesteko aukera da honako hau.
Antton Iztueta Altzotarra da emanaldi hau aurrera daramana.

Bertso-zakuto afarian parte hartzeko txartelak Xirimiri eta Orbela tabernatan eta Galtzaundi Euskara Taldearen bulegoan (Nafarroa etorbidea, 6, Tolosa) dira salgai.

• 
•