Bertsolaria Bere Bakardadean 2012-03-20

Sustrai Colinaren txanda izango da ostegunean

Unai Elizasu gai-jartzaile duela Donostiako Doka Kafe Antzokian egingo du saioa, iluntzeko 20etatik aurrera. Emanaldi berezi honetan parte hartuko duen zazpigarren bertsolaria izango da urruñarra. Azkeneko saioa apirilaren 19an Miren Amurizak egingo du, Josu Goikoetxea gidari duela.
 Joan zen irailean egin zen lehenengoz "Bertsolaria Bere Bakardadean" emanaldi berezia Donostiako Doka Antzokian. Andoni Egaña aritu zen lehenengo saio hartan. Ordutik Jon Maia, Amets Arzallus, Maialen Lujanbio, Aitor Sarriegi eta Igor Elortza aritu dira oholtzan, Unai Elizasu eta Josu Goikoetxeak jarritako lanak betetzen. Jende ugari bertaratu da saioak jarraitzera. Zazpigarren bertsolaria Sustrai Colina urruñarra izango da. Unai Elizasu gidari duela ostegun honetan egingo du saioa urruñarrak, iluntzeko 20etan.

 Zikloa Miren Amurizak itxiko du apirilaren 19an. Josu Goikoetxea izango da azkeneko saio horretako gai-jartzailea.

 Andoni Egañak eta Maialen Lujanbiok egindako saiorik onenak ikusgai dauzkazue azpian.

Albiste gehiago

Bizkaiko Bertsolari Txapelketa 2018-12-11

Final parekidea eta parekatua Bizkaian

Mintzola Ahozko Lantegiak eta Etxepare Euskal Institutuak 2018-12-05

What is Bertsolaritza? Bertsolaritza nazioartean aurkezteko ikus-entzunezkoa