Heriotza 2012-03-23

Xanti Zabala Lexoren aldeko hileta gaur, Irunen

Xanti Zabala 'Lexo' zenaren aldeko hileta elizkizuna gaur arratsaleko 19:00etan egingo da Irungo Junkal elizan. Xanti Zabala Lezon sortu zen 1942an, plazetan eta txapelketan ibilia da eta batez ere idatzizkoan nabarmendu zen. Bat-batean, Zepai Saria irabazi zuen 1976an, eta Gipuzkoako Txapelketan maiz parte hartu zuen Zabalak, eta 1966-67ko edizioan finalera heldu zen. 1964an, 1988an, 1985ean eta 1991n ere parte hartu zuen txapelketan. Bertso jarrietan, hainbat bertso paper lehiaketa ere irabazi zituen, hala nola Elgoibarko Etxegina saria 1984an eta 1987an, Hendaiako Iparragire saria 1990ean, Hernaniko Joxe Legarreta saria 1991n eta Errenteriako Zapirain anaiak saria 1993an. Xanti Zabala, 69 urterekin hil da.

• 
•