Martxoan Bertsoa 2012-03-27

Lasatarrak nagusi

 Joan zen ostiralean jokatu zen Zumarraga-Urretxuko bertso-eskolak antolatutako taldekako txapelketako finala, Martxoan Bertsoa zikloaren barruan. Aurtengoa hamargarren edizioa izan da eta hiru bertsolariko hamabost taldek hartu dute parte denera. Azkenean hiru talderen artean jokatu zuten finala, Gaztelekun, giro ederrean. "Lasatarrak" (Antton Fernandez, Uxue Fernandez eta Ander Gabirondo) nagusitu ziren finalean. "Gabiri2" taldea gelditu zen bigarren (Gorka Maiz, Endika Igartzabal eta Mikel Asurabarrena) eta "Be(k)tore Okocha" hirugarren (Maialen Akizu, Mikel Iturriotz eta Beñat Torres).

 Bestalde, aurtengoa hamargarren edizioa izanda, orain arteko denetan hutsik egin gabe parte hartu duten bertsolariak omendu zituzten finalean. Guztira 90 bertsolaritik gora aritu dira hamar urteotan.

 Finalari buruzko informazio gehiago nahi izanez gero egin klik hemen. Laburpen bideoak ere ikusgai daude.

• 
•