Bertsozale Elkartearen laguntzarekin 2012-03-27

Helduen bertso-eskolek 35 ikastaro antolatuko dituzte

 Bertso-eskolen Batzordearen ekimenez, orain dela hilabete batzuk ikastaro sorta bat antolatzeko proposamena egin zitzaien helduen bertso-eskolei. Antolaketa bertso-eskolek beren esku hartuz gero ikastaroen finantzaketan Bertsozale Elkartearen laguntza eskaini zitzaien. Denera 20 bertso-eskolak erabaki dute ikastaroak antolatzea, eta 35 izango dira azkenean egingo diren ikastaroak. Errenteria, Maule, Erniarraitz, Baztan, Eibarko "Hanka Motxak", Larrabetzu-Mungia, Irun, Orio-Usurbil-Añorga, ALBE, Markina-"Kilika" bertso-eskola, Lesaka, Tolosa-Alegi-Amezketa, Zarautz eta Arabako Bertsozale Elkarteak antolatuko dituzte ikastaroak.

 Azkenean zortzi ikastaro gauzatuko dira: Julio Sotok gidatutako "Bertsoaren oinarrizko eraketa"; Jon Maiaren "Doinua eta kantaera"; Arkaitz Goikoetxea eta Karlos Aizpuruak emandako "Nola landu, etxean eta bertso-eskolan"; Unai Elizasuren "Izan gai-jartzailea"; Maialen Lujanbioren "Gaiaren trataera, bertsolariaren aldetik"; Ainhoa Agirreazaldegi eta Uxue Alberdiren "Generoa eta bertsolaritza" eta Xabier Amuriza eta Imanol Lazkanori egindako elkarrizketak.

• 
•