Nafarroako Txapelketa 2009-02-02

Aimar Karrika irabazle Auritzen

Pasa den larunbatean, urtarrilaren 31n, Nafarroako Bertsozale Elkarteak antolatzen duen 2009ko Nafarroako Bertsolari Txapelketako lehen azken-laurdena jokatu zen. Aurizko Kultur Etxean izan zen saioa, 38. edizioko lehena.
Kanpoan giroa hotza eta desatsegin azen, barnean guztiz kontrakoa. 120 entzule inguru elkarte zen bertsolarien jarduna ikusteko; eta saioa gorabeheratsu aizan bazen ere, giro beroa eta polita sortu zen kultur etxe dotorean.
Normala denez, entzuleek Aimar Karrika herriko bertsolaria babestu zuten bereziki. Eta hain zuzen Karrikak ezustekoa eman eta lehen postua eskuratu zuen, Jon Barberena iazko Nafarroako txapeldunordearen aurretik.
Horien atzetik, nabarmentzekoa da Saioa Alkaizak amandako maila ona. Txapelketan lehen parte-hartzea du iruindarrak eta Bittor Elizagoienen parean gelditu zen bertsolari gaztea.

Honakoa izan zen puntuaketa:
Aimar Karrika 188 puntu
Jon Barberena 187,5 puntu
Saioa Alkaiza, Bittor Elizagoien 185 puntu
Jon Elizetxe  178 puntu
Alazne Untxalo 170,5 puntu