Gaur bertan Ibarran, Artziniegan eta Zumaian 2012-04-13

Lau saio daude iragarrita asteburu honetarako

 Jende askorentzat oporrak izan arren saio bat baino gehiago izango da asteburu honetan. Gaurko hiru daude iragarrita.

 Ibarran "Bikokokote" emanaldi berezia izango da Benito Izagirre kultur etxean arratsaldeko 17etan.

 Artziniegan, bertso-eskolen 30. urteurrena dela eta, bertso-jaialdi berezia antolatu dute museoan, iluntzeko 19:30etan. "Bertso-eskolek 30 urte, 11 opari" izenburua jarrita bertso-saioa egingo dute Unai Mendibil, Iñaki Cabeza, Iñaki Viñaspre eta Izar Mendigurenek. Nekane Aginako eta Oihane Rodriguez ariko dira gai-jartzaile lanetan.

 Zumaian, berriz, San Telmotako urteroko bertso-saioa egingo da Aita Mari zineman, gaueko 22:30etan hasita. Julio Soto, Aitor Sarriegi, Sebastian Lizaso, Uxue Alberdi, Amets Arzallus eta Unai Iturriaga ariko dira kantuan, Jon Maia gidari dutela.

 Asteburu honetako azkeneko saioa igandean izango da, Aguraingo Harresi aretoan. Arratsaldeko 18etatik aurrera haurrei zuzendutako "Katillukadak" emanaldi berezia ikusi ahal izango da bertan.

• 
•