VIII. edizioa aurten 2012-05-04

Gipuzkoako Bertso Eskolen eguna igandean, Zumaian

Gipuzkoako bertso eskolek urteroko festa eguna izango dute igandean, Zumaian. Egun osoan zehar, Lip Dup grabaketa, jolasak eta bertso trama izango dituzte: Beñat Gaztelumendi, Maialen Lujanbio, Jon Maia eta Aitor Sarriegi arituko dira kantari, Josu Goikoetxearen gidoiarekin.

Egitaraua ekintzaz bete-betea izango da: goizeko 10:30ean Zumaiako plazan elkartuko dira Gipuzkoa osotik etorritako haurrak; 10:45ean Lip Dub-a grabatzeko lanean hasiko dira bertso-eskolakideak Zumaiako kaleetan zehar. Bazkalordua izango da 13:30ak inguruan, eta jarraian, 14:30ean, jolas bereziekin gozatzeko aukera izango dute.

16:00etan bertso-trama berezia izango da Maria eta Jose ikastetxean; Josu Goikoetxea gai-jartzaile lanetan izango delarik, kantari arituko dira Beñat Gaztelumendi, Maialen Lujanbio, Jon Maia eta Aitor Sarriegi. Ekitaldiaren amaieran goizean zehar grabatutako Lip Dub-a ikusteko aukera izango dute haurrek, eta arratsaldeko 18:00ak inguruan emango zaio bukaera aurtengo Bertso Eskolen Egunari.

• 
•