Plazatik Gaztetxera Sariketa 2012-05-09

Asteburu honetan hasiko da 11. edizioa

 Aurten ere Plazatik Gaztetxera sariketa jokatuko da. Bertsolari gazteei zuzendutako ekimen honek 11. edizioa beteko du aurtengoan, eta tamainaz hazita dator. Hala, aurtengoan bi faseren ondoren jokatuko da finala. Horrez gain, bertsolariak binaka ariko dira kantuan. Lehenengo fasean lau kanporaketa jokatuko dira. Maiatzaren 12an Mutrikuko Gaztetxean jokatuko da lehenengoa; maiatzaren 19an Zumaiakoan bigarrena; Markina-Xemeingo Gaztetxean egingo dute hirugarrena maiatzaren 26an eta Elgoibarkoan azkenekoa ekainaren 1ean. Hortik aterako dira finalerdietako bi saioetan kantatuko duten bertsolarien izenak. Ekainaren 8an Debako Gaztetxean egingo dute lehenengo finalerdia, eta Soraluzeko Gaztetxean bigarrena ekainaren 15ean. Finala, azkenik, Eibarko Gaztetxean jokatuko da ekainaren 30ean.

• 
•