XI. edizioa aurten 2012-05-11
Plazatik gaztetxera, bikoteka
Bihar hasiko da XI. 'Plazatik Gaztetxera' bertso ekimena eta indartsu dator aurten ere. Bertsolariak bikoteka arituko dira kantari. Bi fase eta zazpi saio izango ditu txapelketak, eta ekainaren 30ean jokatuko da finala, Eibarko gaztetxean. Bihar, Mutrikun, honako hauek arituko dira kantuan: Ander Zulaika-Andoni Zubiaurre, Peru Vidal-Imanol Uria, Aimar Karrika-Maddi Sarasua, eta Ander Elortegi-Jon Arano, 22:30etan gaztetxean.
Asteburu honetan hasiko da Plazatik Gaztetxera bertsolari gazteen txapelketa. Aurtengoa XI. edizioa da eta betiko helburuak lortzeko asmoz, berrikuntzekin dator, bertsolariek bikoteka abestuko baitute.Mutriku (maiatzak 12), Zumaia (maiatzak 19), Markina (maiatzak26) eta Elgoibarko (ekainak 1) gaztetxeetan jokatuko da lehen fasea. Lehen fase honen ostean bi finalerdi egongo dira, lehenbizikoa Deban (ekainak 8) eta bigarrena Soraluzeko (ekainak 15) gaztetxeetan. Finala ekainak 30ean izango da txapelketa lehen aldiz hartuko duen Eibarko gaztetxean.
Saio guztien aurretik afaria egongo da. Afaritara joateko asmoa duen edonor jar dadila saioa jokatuko den gaztetxeko kideekin edo plazatik gaztetxerako antolatzaileekin harremanetan.
Lehenengo saioan honako zortzi bertsolari hauek arituko dira kantari, Mutrikuko gaztetxean, 22:30etatik aurrera.
Ander Zulaika – Andoni Zubiarre
Peru Vidal – Imanol Uria
Aimar Karrika – Maddi Sarasua
Ander Elortegi – Jon Arano
Albiste gehiago
Unax Aizpurua Ibargarai - Euskal Herriko Eskolarteko txapelduna 2025-06-16
«Gaitzeko maila izan da eta denak biziki ongi aritu dira»
Atzo zendu zen Kuban 64 urte zituela 2025-06-13
Tomasita Quiala Kubako repentista handia hil da, bertso mundua liluratu zuen artista
Gaur aurkeztu dute Bilbon 2025-06-10
Bizkaiko Txapelketa: 37 bertsolari eta finalaurrekoak bi itzulitara
Danele Sarriugarte - Señora Sariketaren balorazio elkarrizketa 2025-06-05
