San Isidro eguna ospatzen da 2012-05-15

Bertso-saio ugari egingo dira gaur

 San Isidro eguna ospatuko da gaur, baserritarren santuaren eguna, eta, urtero bezala, bertso-saio bat baino gehiago izango da Euskal Herriko zenbait txokotan. Astigarragan Sebastian Lizasok eta Andoni Egañak kantatuko dute eguerdian eta arratsaldean.

 Donostian, Loiolan, bertso-bazkaria izango da Sustrai Colina eta Anjel Mari Peñagarikanorekin.

 Hondarribian, Guadalupeko zelaian, egun osoko saioa egingo dute Beñat Lizasok eta Aitor Mendiluzek.

 Villabonan, Amasako plazan, Anjel Larrañaga eta Jose Luis Gorrotxategi dira kantatzekoak eguerdian eta arratsaldean.

 Asteasun, berriz, bertso-bazkaria egingo dute Sarasola sagardotegian eguerdiko 14etatik aurrera. Julio Soto eta Jexux Mari Irazu ariko dira kantari.

 Gaintzan ere saioa izango da gaur, Kale-Txiki jatetxean. Bertso-afaria egingo dute Gregorio Larrañaga "Mañukorta" eta Xabier Zeberio bertsotan direla.

 Bestalde, Azpeitiko Iraurgi ikastetxean ere bertsolariak ariko dira; Eneritz Artetxe eta Jokin Uranga.

• 
•