Ostiralera bitartean 2012-05-16

"Bertsolharitza" Basaurin izango da datozen egunetan

 5 eta 12 urte bitarteko haurrei zuzendutako emanaldi berezia da "Bertsolharitza". "Kontakizuna eta kantakizuna" uztartzen ditu Ibai Esoainek oholtza gainean. Haritz bat da emanaldiaren zutabe nagusia. Baina haritz berezia da istoriokoa, ezkurrak eman beharrean hitzak ematen dituelako. Hala, gaztetxoek hitzak aukeratu beharko dituzte eta Ibai Esoainek hitz horiei dagokien istorioa kontatuko du, euskal kantutegiko aleren batekin edo propio jarritako bertsoekin uztartuta. Guztira 50 minutu inguruko iraupena dauka emanaldiak.

 Aste honetan Basaurin egongo da ikusgai, Ibaiganeko Kultur Etxeko aretoan ostiralera bitarte. Gaur goizeko 10etan eta 11:30etan izango dira emanaldiak; bihar 10etan, 11:30etan eta arratsaldeko 18etan eta ostiralean 10etan.

• 
•