DF Bertsozale Eskola 2012-05-17

Asier Ibaibarriagak hitzaldia emango du gaur

 Aurrera doa DF Bertsozale Eskola Durangoko Plateruenan. Maiatzeko ostegunetan zehar bertsolaritzari begirada ezberdinekin begiratu diote. Maialen Lujanbio eta Unai Iturriaga aritu dira orain arte hizlari lanetan, eta Asier Ibaibarriagaren txanda izango da gaur. Bertsolaritzaren epailetzaz arituko da. Iluntzeko 19:30etan hasiko da hitzaldia.

 Datorren astean Josu Goikoetxearen txanda izango da, eta bertso trama bat nola sortu azalduko die bertaratutakoei. Ondoren, maiatzaren 31n bertso-trama egingo dute Igor Elortza, Jon Maia eta Oihana Bartra bertsotan direla.

• 
•