Bertso-eskolako kideek gutun bat idatzi dute 2012-06-21

Gasteizko Udalak ez du "Bertsoaren Saltsan" bertso-eskola finantziatuko

 Gasteizko Udalak gizarte etxeetan ematen zituen 55 ikastaro bertan behera utzi ditu "behin betiko". Helburua gastuak murriztea dela argudiatu dute Udaleko ordezkariek. "Berria" egunkariak tarte zabala eskaini dio albisteari, eta baita beste hainbat hedabidek ere.

 Bertan behera utzitako ikastaroen artean "Bertsoaren Saltsan" bertso-eskola dago. Honen finantziazioa Arabako Bertsozale Elkarteak Gasteizko Udalarekin duen hitzarmenetik kanpo zegoen lehen ere, eta orain Udalak dirurik ez jartzea erabaki du. Bertso-eskolako kideek salatu dutenez udalarentzat bertsolaritza "ekintza exotikoa" da. Azaldu dutenez Gasteizko Udalaren eskaintza kulturalean bertso-eskola hau zen euskara hutsean egiten zen bakarra, eta erabakia euskal kulturaren aurka doala uste dute. "Euskara ez dela ukituko" esan zuenean "gezurretan" ari zela leporatu diote Gasteizko alkateari. Bertso-eskolako kideek idatzitako gutuna interneten dago ikusgai. 

• 
•