Bertso-jaialdia 2012-07-19
Udaletxe aurreko plaza bete-bete egin zen atzoko bertso-jaialdian. Oholtzaren aurrean jarritako aulki bat bera ere ez zen hutsik geratu eta dozenaka lagun egon ziren zutik bertsolariei begira adi-adi.
Gaueko bederatzietan hasi zen saioa eta afalordua izanik, batek baino gehiagok eraman zituen ogitartekoak. Ez zen plan txarra afalordua bertso-kantuz goxatzea.
Ordu terdiko saioa osatu zuten Xabier Amuriza, Beñat Ugartetxea, Andoni Egaña eta Unai Ormaetxea bertsolariek, Xabi Irakulisek gidatuta. Udako saioetan ohi den moduan umoretik bideratu zuen bertso-saioa Xabi Irakulisek; baina izan ziren krisia edota bizitzari buruzko gaiak ere.
Andoni Egaña eta Unai Ormatxearen bakarkako-lanak aipagarriak izan ziren. Egaña Mariano Raxoiren aholkulariaren lekuan jarri zuen Irakulisek eta Ormaetxeari buruz bizitzari buruzko hausnarketa eginarazi zion.
Saioko bertsoaldirik umoretsuena Amuriza, Ugartetxea eta Egañak osatu zuten. Hirukote xelebrea elkartu ziren hondartzan.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15