"Bertsoa.com"-en ekimenez 2009-02-18

Martxan dago "bertsotube.com"

Bertsolaritzak gune berri eta berezi bat du interneten: www.bertsotube.com plaza librea. Bertsozaleek berek igotako bideoz osatuko den lehenengo atari digitala izatea da Bertsotuberen ezaugarri nagusia. Eta, zentzu horretan, bertsolaritzari zabalkunde bide eta aukera berriak eskaintzea du helburu. Begi kolpe bakarrean 15 bideoko aukera eskaintzen du Bertso-tubek. Horietako 10 bideo etengabe berritzen doazenak dira, eta besteak jendeak gehien ikusi dituenak. Gune berriak kalitate handiko eta iraupen luzeko bideoak igotzeko aukera ematen du. Batez ere gazteei begira sortutako gune ludikoa, inteaktiboa eta edukianitza. Bertsoa.com plaza digitalaren proiektua da Bertsotube.

Bertsoak, informazioa, hitzaldiak…
Bertsotube guneak bertsoak ez ezik beste eduki motak ere sareratuko ditu: informazio-bideoak, hitzaldiak, aukezpenak… azken batean bertsolaritzare-kin lotutako eduki abaniko guztiak du lekua Bertsotube plaza librean.

Bideoak igotzeko sistema oso sinplea eta erraza
Bertsotubek bideoak jartzea oso erraza. Lehenbizi Bertsotuben izena eman behar da. Gero, erabiltzaile izena eta pasahitza sartu, bideoaren ezaugarriak bete, eta bideoa gune berezi batean kopiatu. Bideoak ahal dela wmv formatoan igotzea komeni da (200-400 kb bitartean) baina MPEG-ean ere igo litezke  Sistemak audioa bakarra zintzilikatzeko aukera ere ematen du, mp3 formatoan.