Gasteizko jaiak 2012-08-06

Zeledonen aterkiaren beharra

Zeledonek ez zuen aterkia alferrik jaitsi Andra Mari Zuriaren plazara. Atzo festara irten zirenak, gehienak behintzat, aterkia eskuetan ibili behar izan zuten, Zeledonen moduan. Hori euria egin beharra; eta kalean egiten diren beste emanaldien antzera, atzoko bertso-saioan ere eragin zuen eguraldi txarrak. Aulkiak bustita zeudenez, entzuleak zutik aterkia eskuetan zutela; eta giroa hotza, oso hotza.

Ordu bata t'erdietan zen hastekoa saioa eta orduan hasi ziren kantuan bertsolariak. Ander Solozabal, Xabi Igoa, Unai Iturriaga eta Julio Soto igo ziren oholtzara Maialen Kortabarria gai-jartzailearekin batera.

Bertsoaldi polita osatu zuten denen artean. Julio Soto abarka baten lekuan jarri eta jaiak atzeko hiru blusetako norekin pasako ote lituzkeen galdetu zienean.

Gasteizko jaiak hasi besterik ez dira egin eta oraindik izango da nahikoa bertso entzuteko aukera. Tabernetan asko, baina horien berri ez dugu hemen. Egunero egunero eguerdiko ordu bata t'erdietatik aurrera Aihotz plazan.