Eguneko agenda 2012-08-07

Getarian, Gasteizen eta Aian izango dira gaurko saioak

 Gaur ere bertso-saio bat baino gehiago dago iragarrita agendan. Getarian jaiak ospatzen ari dira egunotan, eta gaur libreko saioa izango da eguerdiko 12etan plazan. Sebastian Lizasok eta Anjel Mari Peñagarikanok kantatuko dute bertan.

 Gasteizen hitzordu bikoitza izango da. Eguerdiko 12:30etan "Galtzagorriei to, Iñaxito!" emanaldi berezia izango da Peñaflorida parkean. Haurrei zuzendutako saioa da, mitologia eta bertsoak uztartzen dituena.

 Ordubete beranduago, eguerdiko 13:30etan, alegia, Aihotz plazan izango da zita. Maialen Lujanbio eta Andoni Egaña ariko dira bertan.

 Azkenik, Aiako probalekuan urteroko saioa izango da gaueko 22etan. Julio Soto, Xabi Paya, Maialen Lujanbio, Amets Arzallus, Iker Zubeldia eta Andoni Egaña jardungo dira kantuan. Gai-jartzaile lanetan ere bertsokide bat izango dute: Sebastian Lizaso. Tradizio handiko saioa da Aiakoa, urtero jende ugari bertaratzen dena.

• 
•