Bilboko Aste Nagusia 2012-08-27

Kaleko kantariak Bilbon

 Bukatu da Bilboko Aste Nagusia, eta baita bertako bertso-saioak ere. Egunero aritu dira lanean bertsolariak Santiago plazan, eta antolatzaileek balorazio ona egin dute saioen inguruan, jende ugari bertaratu baita. Joan zen larunbatean ere, lainopean izan arren, goraino bete zen Santiago plaza honako bertsolari hauen lana jarraitzeko asmoz:

 Unai Iturriaga
 Uxue Alberdi
 Igor Elortza
 Aitor Sarriegi

 Leire Aurrekoetxea aritu zen gai-jartzaile lanetan, eta saio dotorea atera zen. Hasieran gai sakon batzuk izan baziren ere, berehala hartu zuen umoreak gaina. Saioaren erdialdera Igor Elortzak botila bati kantatu behar izan zion Iosu Uribetxeberriari erreferentzia eginez. Saioa entzutera bertaratu ziren preso arrasatearrarekin elkartasunez Bilbon gose-greban zebiltzanak, eta Igorren bakarkako lanaren ondoren oholtzara igo ziren bertso bat kantatzeko.

 Bertsoa.com bertan izan zen, eta hona hemen saioko aukeraketa bat.

• 
•