Orixe saria 2009-02-21

Mantxi eta Esoain finalera pasa dira

 Iñigo Mantzisidor "Mantxi" eta Ibai Esoain sailkatu dira Orixe sariko finalera. Saioa Añorgako Lukainkategi jatetxean izan da 50 entzuleren aurrean. Mantxi eta Esoainekin batera, honako bertsolari hauek aritu dira kantuan: Gorka Azkarate, Iñaki Zelaia, Jon Barberena eta Andoni Otamendi. Hasiera batean Erika Lagoma kantatzekoa zen, baina, ezin izan duenez, Jon Barberena aritu da bere ordez.

 Ofizioka eta puntuei erantzuten aritu ondoren, kartzelako lana iritsi da. Bertan bukaera emanda bertso bat osatu ondoren honako gai honi bina bertso kantatu dizkiote bertsolariek: "Iritsi da eguna, elizara sartzear zaude". Epaile lanetan Zigor Leunda, Martin Aramendi eta Ioritz Imaz aritu dira.

 Orixe sariko lehendabiziko kanporaketa izan da. Honez gain, beste bi kanporaketa izango dira:

 OTSAILAREN 27a, OSTIRALA
 Errekalde elkartean, gaueko 20:30etan
  Jokin Uranga
  Unai Muñoa
  Xabier Sukia
  Felix Zubia
  Nerea Elustondo
  Xabier Legarreta, "Arano"

 MARTXOAREN 6a, OSTIRALA
 Atotxa Erreka Elkartean, gaueko 20:30etan
  Iñaki Gurrutxaga
  Oihana Bartra
  Joxe Munduate
  Iñaki Apalategi
  Beñat Ugartetxea
  Iñigo Izagirre

 Saio bakoitzetik bi bertsolari sailkatuko dira finalera. Azken saio hau MARTXOAREN 14an, larunbatez, izango da, arratsaldeko 18etan hasita, Añorgako Antxon Aiestaran Kultur Etxean. 

• 
•