Unai Elizasu da web orriaren arduraduna 2009-02-23

Gaijartzailea.com-ek urtebete bete du

 Gaijartzailea.com web orriak urtebete bete du, eta 3 500 bisita jaso ditu bere sorreratik. Unai Elizasuk sortu zuen bloga, saioetan jarritako gaiak sareratzeko. Tarte honetan, ordea, edukiak ugarituz joan dira, eta honako sail hauek aurki daitezke une honetan:

 -Txapelketetako gaiak
 -Jaialdietako gaiak
 -Lagunarteko saioetako gaiak
 -"Bertsoa eta jazza" ikuskizuneko gaiak
 -"Erregea eta bufoia" emanaldian jarritako gaiak
 -Bertso eskolan erabil daitezkeen gaiak
 
 Gainera, Unai Elizasuk "Bertsonal Trainer" delako zerbitzua eskaintzen du blogaren bidez. Bertsotan entrenatzeko norbere ezaugarrietara egokitutako gaiak eskura daitezke honen bidez. Eta, azkenik, blogean badaude gai jartzaile lanetan aritu nahi duenari zuzendutako zenbait gomendio ere.

 Honez gain, edonork dauka bere gaiak eta iritziak bidaltzeko aukera ere. Informazio gehiago nahi izanez gero, egin klik hemen.

• 
•